Sa akong mahinumduman…

Ambot unsa akong nakaon ngano nakahuna huna ko og himo ani na blog. Siguro tungod napud s a akong pagkabored diri sa among balay. Unsaon man gud wa man gud koy mahimo kay ako ra diri sa balay. Pasensiya-e nalang ko. Gusto nako unta makabalo mung tanan na maau ra akong kahimtang diri. Nalipay napud ko kay kauban na jud nako diri akong lalabs. Sus, dugay na namo na gihulat na magkauban na unta maayo kay gikaluy-an mi sa Ginoo og nagkauban na jud mi.

Naabot ko diri sa London last February. Sadihang winter time pa man. Perting tugnawa, nagdugo dugo gud akong ilong. Sa hongkong palang nagkasaag saag nako sa airport. Halos 3 ko ka oras nangita sa terminal 8. Ingon sila naa daw ambassador na customer service sa airport didto sa hongkong tungod kay nagka libog libog nako niduol ko sa isa ka lalaki na naka suot og maroon.

                Me: Excuse Me, I think I am lost. Where can I find the terminal 2?

                CS Rep: Terminal 1, Terminal 2 all the same!

Atimana ang customer service nila. Mau pa wa nalang ko nangutana. Isa ra daw ang terminal 1 og 2. Giunsa kaha to niya paghunahuna. Sa kadugay dugay na niya nagtindog didto pila na kaha ka tao ang nasaag tungod sa iyang instruction. Wala na jud koy choice ani. Giukab na jud nako akong laptop para tan-awon usab ang floor plan sa airport kay ingon man didto na naa daw free wifi. Pastilan ning kinabuhia, layo ra kaau ko sa grasya sa internet. Hinay kaau ang internet. Wala na jud koy mahimo kundi sundon ang mga signage didto hangtud nakatuod ra gyud ko. Didto pod ko nakaila og Filipina na padulong pod og UK.

Pagkahuman sa pila ka oras, naa na jud ko sa eroplano. Sa pinakadaplin jud ko ni pwesto og diri na nagsugod akong mga kataw-anan na kaagi. Sa oras sa pagkaon gihatagn lang mi og tinidor og knife. Sadihang nalibog ko unsaon kaha ni nako pagkaon kung was koy kutsara. So katong akong tupad na puti akong gipauna og hungit og kintahay wala ko nagpahalata naniid ra ko giunsa niya paghungit. Karon kay nakabalo nako, nikaon na jud ko at last.

Pag-abot na namo sa gatwick airport lipay na jud ko kaau kay London na jud ni. Giganahan jud ko sa akong mga nakita. Oras na para kwaon nako akong luggage. Kinahanglan kog Trolly. Sadihang usa pa diay ka makakuha og trolly butngan sa diay to dapat og 1 pound unya ipaipit. Unya kay wa man koy 1 pound ako nalang giguyod akong luggage paadto sa gawas. Maau nalang kay tua na naghulat akong lalabs gitabangan nako niyag pas-an sa akong dala.

Mura kog tanga diri ai! Sa Davao Airport pa ni!

by: Kankan